ليه يا قلبي
ليه يا قلبي ترخص نفسك
عيش يومك وانسي امسك
قيد شموعك ونور شمسك
ما تحاولش تقرب منه او تدافع عنه
انت مش عارف يا قلبي انه...
خانك يا قلبي
هوانته مش حاسس انه ميستهلش
اه صدقني ومتعاندش
هو انته ايه ...مش حاسس
مش سامع ... مش شايف
مش حاسس انه خانك ياقلبي
واتعمد خداعك وضيع حبي
مش هسمح لك ابدا تاني
انك تهد زماني
او تكسرني من تاني
لو انته صحيح قلبي خليك معايا
ساعدني انهي حبي وانسي هوايا
وانسي اني في يوم حبيته
وانسي انك انته هويته
لا يا قلبي لا
لا والف لا
لو بكيت يوم عليه
لو قولت حياتي في ايديه
او حتي فكرت فيه
انته ناسي انه خان
وان حبك عليه هان
ارجوك يا قلبي انساه
وارجع عن هواه
ياما نهايتك هتكون بايديا
وابقي هدمتك وتهون عليا
ليه يا قلبي